திசை வழிப் பரவும் நிர்வாணம் :

அதனினும்
குறுகிய வாழ்வில்
மிகக் குறுகிய கால சிநேகிதங்களில்
 
இயலும் வழியிலெல்லாம் அன்பை இறைஞ்சுகிறோம்
இயலும் போதெல்லாம் அன்பை வெளிப்படுத்துகிறோம்
இயலும் யாவரிடமும் அன்பில் இணங்குகிறோம்
உச்சத்தில் விகாரமாக காயப்படுத்துகிறோம்

மூச்சடக்கி சுமக்கும்
கல்வாரியின் செந்நிற பாடுகள்
இழைத்து மெருகேற்றப் படாத சிலுவையின்
திசைவழி பரவும்
அன்பின் நிர்வாணம்

அங்கிருந்து
மரணத்தை எதிர்நோக்க
குறுவாள்
விஷம் தோய்ந்த அம்பு
எதுவும் வேண்டாம்
ஒரு முத்தம் போதும்
அல்லது
ஒரு சொல்
*
Courtesy : Painting -Stella Stella Im Hultberg