அடிவானத்தில் கசியும் அன்பு :

அருகில்
மிக அருகில்
சுவாசத்தினும் நெருக்கமாக
மூச்சுக் காற்றின் கதகதப்பு

ஒத்திசைவில்
கிளர்ந்தெழும் நெருப்பு
கண்களில்
வானத்தின் தாரகைகள் ஒளிர்கின்றன

மகுடியசைவில் இயைந்திருக்கும்
நாகமென மயங்கியிருக்க
மிளிரும் பனித்துளி
வனப்பு மிகு அதிகாலையின் வரவை
முன்னறிவித்தது

மிதந்து செல்லும் மேகங்கள்
பச்சை மலைத் தொடரில்
நீலமாய் குவிய

அடி வானத்திற்கு அப்பால் கசியும் அன்பில்
பள்ளத்தாக்கில் பூக்கும் பூக்கள்
தன் ஒளியை வாரியிறைக்கும்
*
Courtesy : Paintings - Andrei Belichenko