கடலை அறிந்தவள்

கடலை
மௌனம் என்றுதான் நினைத்திருந்தாள்

பேரிரைச்சலைத்
தரும் அலைகள்கூட
பெரும் மௌனம் என்பதாகத்தான்
நம்பிக்கொண்டிருந்தாள்

கடல்
பெரும் சப்தமிடுவதாக
ஒற்றைக்குரலில்
சொல்லிக் கொண்டிருந்தார்கள்
அவளிடம்

அலைகளால்
நனைந்த மணற்பரப்பில்
நிலத்தினை அளவிட்டுக் கொண்டிருக்கிறாள்
கடலின் கதையினைக் கேட்டபடி
சிறுமி

அவள்
பிரபஞ்ச மொழியை
அலைகளின் ஓசையில் புரிந்துகொண்டு
வீடு திரும்பினாள்
கடலை அறியாதபடியும் அறிந்தபடியும் .